General Info

30 06 2015 | Մեր մասին

Հայկական Քաղաքագիտական Կայքէջը հիմնադրվել է 2014 թ. Էմիլ Օրդուխանյանի կողմից: ՀՔԿ-ն հանդիսանում է քաղաքագիտական տարբեր խնդիրների հետազոտության մասնագիտական դաշտ: Այն համախմբում է տարբեր հետազոտական նախասիրություններ ունեցող քաղաքագետներին, ինչպես նաև միավորում է գիտական շրջանակների ներսում և դրանցից դուրս մասնագիտական ջանքերը և որակները իրազեկման ընդլայնման և քաղաքագիտության առավել հիմնավոր ընկալման համար: ՀՔԿ-ը նպատակ ունի լուսաբանել տարբեր քաղաքագետների գիտահետազոտական աշխատանքները, հատկապես՝ նրանց, ովքեր իրենց հետազոտություններում առավելապես անդրադառնում են հայ հասարակությանը և պետականությանը առնչվող քաղաքագիտական խնդիրներին: Կայքը հնարավորություն է ընձեռում նաև քաղաքագիտական հոդվածների առցանց տպագրության համար:

Որպես մասնագիտական կայք՝ ՀՔԿ-ի հիմնական նպատակներն են՝

• Նպաստել քաղաքագիտական հետազոտություններին,
• Նպաստել քաղաքագիտության ոլորտում կրթական առաջընթացին,
• Ամրապնդել քաղաքագիտության մասնագիտական շրջանակը,
• Ծառայել հանրությանը, ինչպես նաև քաղաքացիների շրջանում ձևավորել ակտիվ քաղաքական մասնակցություն:

Քննարկումների համար կարող եք միանալ Armenian Political Science Group-ին www.linkedin.com կայքում:
Գտեք ArmPolSci-ը Facebook-ում և Twitter-ում: